Антропология Государственное управление История Международные отношения Политология Строительство Экономика Юриспруденция

Tatar idareleri ve tatar milleti  

  1. — № 48. — Fevral 28.

Tatar idareleriniñ ve tatarlar tarafından saylanğan bazı kişilerniñ tintilmesi üzerine tatar Parlamenti Bürosı bir protest yazıp Qırım yerli hükümetine ve gazetalarğa vergen edi. Bu protest münasebetiyle “Таврический голос”[1] gazetası bu yapılğan işniñ tatar milletine qarşı olmayıp tatar idarelerine qarşı olğanını ve bundan tatar milletiniñ canı ağırmaması kerek olğanını yaza!..

Biz bunu bir türlü añlap olamaymız. Biz milletni aşağılamaq ve onuñ canını ağırtmaq içün o milletniñ her ferdini tutup ayrı-ayrı hepsiniñ qulağını çekmekmi kerek, aceba?!.

Her millet öz işlerini baqmaq içün öz arasından bir talay kişiler ayırır. Bu kişiler toplaşır, bir idare qurar ve bunuñman özüni saylağan kişilerniñ işlerini baqar, faydalarını qorçalar. Bu saylanğan kişiler, o milletniñ tamam yerini tutar, onuñ adından iş körürler. Onuñçün onlarğa yertutar “vekil” derler.

Bir adam özüniñ yerini tutmaq, öz adından laf aytmaq içün başqa birisini kösterse, bu kösterilgen adam da başqa birisi tarafından aşağılansa, balçıqlansa, hiç şüphe yoqtır ki, bu yapılğan iş, bu kösterilgen adamdan ziyade onu köstergen adamğa aittir. Hususiy adamlarnıñ köstergen yertutarları böyle olğanı kibi, bir milletniñ yerini tutqanlarğa qarşı yapılğan iş de şaydır. Bir milletniñ milliy idarelerini, Parlamentini saylağan kişileriniñ aşağılatması, o milletniñ özüniñ aşağılatması demektir. Bu huquq ve kerçek bilgisiniñ elifbasıdır. Biz “Таврический голос”qa bunu aytmaqnı bir borcumız dep tanıymız. Bunu tatar milletiniñ özü de aytacaqtır.

İkincide, kene bu gazetada bu yapılğan tintüvniñ qanunlı bir surette olğanı yazıla. Bu yolda biz “Таврический голос”qa tünevinki maqalemizni oqumasını yalvarırmız.

Abibulla Odabaş

[1] rus. “Tavriya davuşı“. — T.K.

Об авторе

Таир Керимов

Таир Керимов

Оставить комментарий